Þau hafa verið dugleg börnin í 7. GJS í málfræðinni. Þau hafa greint orðin í sögunni  Næturgalinn eftir H.C. Andersen í orðflokka  og búið til orðflokkatré þar sem hver orðflokkur hefur sinn lit á laufblöðum. Orðflokkatréð prýðir nú miðstigsganginn. Myndir

Hrafnhildur Vala og Brynja Sóley, nemendur í 3. SH í Breiðholtsskóla, fengu verðlaun í Eldvarnargetrauninni 2012 sem haldin var á vegum Landssambands slökkviliðsmanna.

Getraunin var lögð fyrir 8 ára börn og voru viðurkenningar og vegleg verðlaun afhent sl. laugardag í Smárlind á 112-daginn, 11. febrúar. Myndir

Verðlaun í skákþraut í tengslum við skákdaginn 26. janúar sl. voru afhent  föstudaginn 11. febrúar í hátíðarsal skólans.

Valgerður Laufey Guðmundsdóttir 5. KG bar sigur úr  býtum og hlaut titilinn „Skákdrottning Breiðholtsskóla“. Myndir

Úrslitakeppni Útsvarsins í Gíslasögu Súrssonar í 10. bekk Breiðholtsskóla fór fram í gær í hátíðarsal skólans. Í bláa liðinu voru þær Brynhildur, Sólveig og Unnur en Eva Sif, Martyna og Steinunn í því bleika. Spyrlar voru Bogey og Ingólfur en tímavörslu sá Ragnhildur um.
Keppnin var mjög jöfn og spennandi og línur skýrðust ekki fyrr en í þyngdarspurningunum. Svo fór að bláa liðið vann á lokaspretti með 74 stigum gegn 60.
Keppendur stóðu sig frábærlega vel sem og stjórnendur og tímavörður. Áhorfendur skemmtu sér hið besta. Myndir