Fljótlegar eftir að laugin var tekin í notkun fengu aðrir skólar að nýta sér hana, þar á meðal Ölduselsskóli á árunum í kringum 1980. Einnig upp úr 1990 komu nemendur úr Ártúnsskóla í nokkur ár og lærðu sundtökin hjá okkur. En frá vetrinum 1995-96 hefur Fossvogsskóli fengið aðstöðu hjá okkur og er nemendum ekið í rútu hingað upp eftir.

Búningsaðstaða var til bráðabirgða vinnuskúrar en nýtt sundlaugarhús með góðri búningsaðstöðu og tækjum í kjallara til hitunar og hreinsunar kom veturinn 1984-85.

Fyrstu ár Breiðholtsskóla fóru nemendur í sund í Sundhöll Reykjavíkur og aftur þegar sundlaugarhúsið var byggt veturinn 1984-85. En upp frá þeim tíma hefur sundið verið fellt inn í stundaskrá nemenda líkt og leikfimin.