Vitneskja berst um einelti til starfsfólks skólans frá nemenda, foreldrum/forráðamönnum eða öðru starfsfólki. Ávallt skal gæta trúnaðar við meðferð eineltismála. Það er á ábyrgð hinna fullorðnu að koma upplýsingum, vísbendingum eða vissu um einelti í réttan farveg.

Umsjónarkennari tekur við málinu.
Umsjónarkennari greinir málið samkvæmt skilgreiningu skólans á einelti.  Hann leitar eftir upplýsingum frá öðru starfsfólki skólans og foreldrum/forráðamönnum; hvar, hver, hvenær, hvernig, hverjir áttu hlut að máli og skráir það hjá sér á ferilsskráningarblað. 
Ef umsjónarkennari metur að um einelti sé að ræða gerir umsjónakennari foreldrum/ forráðamönnum gerenda og þolenda grein fyrir stöðunni. Farið er yfir:

• hver tilboð skólans eru til að aðstoða þolanda og geranda
• hvað foreldrar/forráðamenn geta gert til aðstoðar barni sínu og skólanum
• samstarf foreldra/forráðamanna og umsjónakennara um eftirfylgd málsins

Umsjónarkennari metur hvaða vinnuferli hentar best miðað við aðstæður hverju sinni. Algengt vinnuferli er:

• foreldrum/forráðamönnum gerenda og þolenda er gerð grein fyrir málavöxtum og áætlun skólans kynnt fyrir þeim. Foreldrum/forráðamönnum afhentur bæklingur um einelti
• allir nemendur bekkjar/hóps teknir í stutt einkaviðtal
• gerendur eru teknir í einkaviðtöl og viðtalinu fylgt eftir
• stuðningsviðtöl við þolandann
• stuðningsviðtöl við gerendur
• eftirlit er aukið þar sem einelti hefur átt sér stað

Ef umsjónarkennari óskar aðstoðar eða ráða frá eineltisteymi biður hann um fund með teyminu og kemur með afrit af ferliskráningarblaði á fundinn.
Ef aðgerðir bera ekki árangur að mati umsjónarkennara og eineltisteymis er málinu vísað til nemendaverndarráðs.
Allt ferlið er skráð af umsjónarkennara á sérstakt skráningarblað og öll gögn varðandi hvert mál geymd hjá námsráðgjafa. Foreldrar/forráðamenn eru einnig hvattir til að skrá hjá sér málsatvik.

(Með leyfi Lágafellsskóla, apríl 2008)

Fara á kafla nr. 3